Perzechella — Donna Carmela addeventaje ’na vufera stizzata...
Nicola — Chella quanno va ’n furia....
Perzechella — ’N faccia a chella faccia ’e rose...
Papele — E tutto nzieme, scippaje ’a valenza ’a mano a ’o plsciavinnolo... e che vediste, neh!....
Nicola — Chella è ’a ddia d’ ’e femmenè!
Perzechella — Chillo, ’o pisciavinnolo, teneva ’a mogliera vicina, a ’o puntone; e ’e ffiglie ’m mocca ’o vico, che feteno d’essere accise una peggio ’e ll’ate!
Papele — Che vediste, neh!
Perzechella — ’A guerra ’e Troja!
Papele — Co chella valanza ’m mano...
Perzechella — ’E facette scappà tutte quante co e vunnelle pe ll’aria, che parevano tanta cappucce scappucciate.
Papele — ’No serra serra!...
perzechella —’o cchiù bello fuje, che chella, donna carmela, pe non volè fa male a ’o pisciavinnolo, pecchè era viecchio, non sapenno che fa’, le facette ’na lavata ’e faccia co ’e pisce suje stesse: calamare, alice, purpetielle...
Papele — chillo ch’era viecchio, ’o rispettaje...
