Chesta paggena è stata leggiuta.
92
Poesie
Da dimane a ssera,
Comme trase d’ ’a porta ’o ’nnammurato
d’ ’a nepota, ha capito c’ha da fa...
Risponne: «Bonasera...»
e... se nne va...
Dice ca nun se fira... (E nun se fira!)
E doppo? A guarda’ dduie che fanno ammore
è peccato, è peccato!
«Salva Riggina... Giesù Redentore...
Comm’è stato?...»
Ma ’a sera, ’a sera appriesso,
comm’isso trase e ’a tene niente... more!
Se nne vo’ i’... Ma guarda l’una e ll’ato
e... nun se move ’o stesso!
«Salva Riggina... Giesù Redentore...
E comme? Comm’è stato?»
