Chesta paggena è stata leggiuta.
91
Core e penziero
’E piede d’ ’o lettino,
Gesù Cristo, schiuvato ’a faccia ’a Croce,
suspira e arape ’e braccia...
San Luigge, c’ ’a guarda accussì ddoce,
cchiù doce ’a guarda ’nfaccia...
«Salva Riggina!... Giesù Redentore...
E comme?! E comm’è stato?
Tutt’ ’a giuventù mia senza peccato
e senz’ammore...
’A chiesia... ’o cunfessore...
Giesù sacramentato...
Salva Riggina... Giesù Redentore...
Tutt’ ’a giuventù mia senza peccato
e senz’ammore...
E mo?..
Dopp’ ’e trent’anne?!
Salva Riggina... Matre...»
Afferra ’e panne;
se mena ’ncuollo ’a vesta,
corre, arape ’a fenesta...
e risciata... e suspira!... E cchiù suspira
e cchiù s’accrama!...
