Chesta paggena è stata leggiuta du' vote e mo è fernuta.
82
Poesie
’E SSEMMENTE
Dummeneca passata... a ’e qquatto 'mpunto,
saccio... chi v’ha vasata. E mò ve conto!
’A dummeneca ’o iuorno ’stu barcone
mme pare ’a tratturia d’ ’e buone amice.
’O pate vuosto, ch’è ’nu sciampagnone,
sta pésule si passa ’o canuscente...
E nun ha da passa, ca nun le dice:
«Favurite con noi...»
L’amico saglie
e s’addobba, dicimmo, scasualmente.
Chello che trova: quatto cosce ’e quaglie;
’na patella, ’nu pizzeco ’e semmente,
doie tunninole... E beve!
’E qquatto ’mpunto,
dummeneca passata... E mò ve conto.
