Chesta paggena è stata leggiuta.
280
Poesie
Ma ’o remmore ’nfaccia a’ porta
n’ata vota! Fusse tu?
Tropp’onore; ma ’sta sciorta
ll’aggio cchiù?
Tu nun si’! No. Tu nun viene,
comm’a primma, addò stongh’ì...
No! Tu vaie da chi vuo’ bene...
Tu nun si’!
« Chi è? » « Nisciuno. » I’ che vernata!
Lampe e tronele a zzeffunno...
E chi maie cu’ sta nuttata
va p’ ’o munno?
Chi cammina a st’acqua e bbiento?...
. . . . . . . . . . . .
N’ata vota? E mò cchiù fforte!
« Chi è?. « Nisciuno!» ’Nu lamiento...
Fosse ’a Morte?!
