Chesta paggena è stata leggiuta.
279
Alleramente
CHI È?
’Nu remmore ’nfaccia ’a porta?!
Chi sarrà?! Che fusse tu?
Tropp’onore! Ma ’sta sciorta
ll’aggio cchiù?
Chi sarrà? ’Nu carrettiere
ca se vene a rreparà?
Quacche cane furastiere?
Chi sarrà?
« Chi è? » « Nisciuno! » E ’nu lamiento
cupo cupo mme risponne.
Chiove forte; sesca ’o viento
‘nmiez’ ’e ffronne.
Chi è passato ’a ccà vicino?
Chi ha ’ntuppato, cammenanno?
Quaccheduno fatto a vvino,
vatruvanno...
. . . . . . . . . . . .
