Chesta paggena è stata leggiuta.
271
Fuoco e furtuna
QUANNO SE VENCE
Oi Morte, Morte, e si’ turnata ancora
vicino a porta mia ’nu mese fa.
I’ te sentette, ma sbagliaste l’ora,
pecchè chell’ora ancora ha da sunà!
Tu m’hê signato, m’hê pigliato ’e mira,
tanto t’ ’è cara chesta pella a tte!
E comme ’na palomma avota e gira,
i’ te veco che gire attuorno a me!
Ma mo’ sto all’aria, ’ncopp’a ’na muntagna,
’e faccia ’o mare, sott’ ’o cielo blu...
dint’a ’nu casaruoppolo ’e campagna
addò ’a strate nu ’ngarre manco tu!
Nun ce sta tramme, ’o pizzo è sulitario,
’a carrozzella nun ce po’ saglì...
E pe’ chesto, si chiammo ’nu primario,
isso nun vene e tu... nun può venì!
