Paggena:'E Lluce-luce.djvu/18

16

Poesie

E 'o nonno 'mmiez'a ssuvere e ppasture,
ve fà 'o presebbio, cu' 'na pippa 'mmocca.
«Damme 'sti chiuove; 'ncollame 'sti sciure;
Pripareme 'a vammace... pecchè sciocca...»

E si nun songo 'e ddiece nun se cocca.

Isso se cocca... e vuie restare allerta:
Ll'unnece e mmezza... mezzanote... ll'una...
Vuie vulisseve scennere e ghì sperta...
cu' tutta c' 'a nuttata è senza luna...

pe' cagnà cielo... e pe' cagnà furtuna!

Sott' 'a neva che sciocca e a tutte 'e viente,
vulisseve menarve 'nmiez'a via...
Scàuza... senza 'nu scialletto... niente...
«Si 'o nonno se scetasse?... Arrassusia!...

Nun truvanneme, 'o nonno... murarria!...»

Se ne passa 'a nuttata chiara chiara
'nmiezo a tanta penziere: «Arape 'a porta...
Curre... Vattene a' casa d' 'a cummara...»
«O... 'nu soldo 'e putassa... Che te 'mporta?

E 'o nonno?! More, si mme trova morta!»