Chesta paggena è stata leggiuta.
107
Core e penziero
’na figliola
bella assaie!
Una, una sola,
ca nun veneva maie!
(Oi quanta sigarette aggiu appicciate!
So’ ll’otto ’e meza e nun è accumparuta...
Tutte ’e ccumpagne soie so’ già passate!)
Strate, che comme a tanno,
mo’ ancora ve faccio
tutto ll’anno,
senza cchiù ’e libbre sotto
’o vraccio,
senz’aspettà a nisciuna
’a sera all’otto,
c’ ’o chiovere o c’ ’a luna:
ma ch’ ’e penziere mieie ’ncumpagnia...
Strate canusciute, ogne via
che saccio addò me porta
e che ’nu tiempo me pareva corta,
mo’ s’è fatta cchiù llonga! Longa assaie!
Me pare a me ca nun fernesse maie!
