Chesta paggena è stata leggiuta.
106
Poesie
’E STRATE MEIE
Strate canusciute
c’a mmente ve saccio,
che v’aggiu fatto guaglione,
quanno facevo filone
cu’ ’e libbre sott’ ’o vraccio,
si nun ero stato ’a matina
primma d' ’a scola, a ’e ssette,
a ddu Riggina!
(’Na grammatica latina
nova, senza sfuglià,
quinnece solde; diece sicarrette,
na pizza, quacche soldo a ’nu pezzente,
e nun restava niente!)
Strate canusciute
luntane e sperdute,
’e quanno nun ero guaglione,
addò facevo puntone
p’aspettà
