Marechiare (raccolta 1888)

'A Wikisource.
 EPUB   MOBI   PDF   RTF   TXT
 
[p. 19 càgna]


Edizione Ricordi

[p. 20 càgna]


Quanne sponta la luna a Marechiare
pure li pisce nce fanno a l'ammore,
se revotano l'onne de lu mare,
pe la priezza cagneno culore,
quanno sponta la luna a Marechiare...

A Marechiare ce sta na fenesta,
la passiona mia ce tuzzulea,
nu carofano addora int'a na testa,
passa l'acqua pe sotto e mmurmureia...
a Marechiare ce sta na fenesta....

Chi dice ca li stelle so' lucente
nun sape st'uocchie ca tu tiene n' fronte,
sti doie stelle li ssaccio io sulamente,
dint'a lu core ne tengo li ppònte....
Chi dice ca li stelle so' lucente?...

[p. 21 càgna]

Scétete, Carulì, ca l'aria è doce,
quanno maie tanto tiempo aggio aspettato?
P'accumpagnà li suone cu la voce,
stasera na chitarra aggio purtata....
Scétete, Carulì, ca l'aria è doce!...