Canzone e Ariette nove/Canzone nove/Femmene, femmene!..

'A Wikisource.
 EPUB   MOBI   PDF   RTF   TXT
 

[p. 33 càgna]



Femmene, femmene!..


          I.


— «Femmene, femmene, femmene!…»
     — diceno tutte ll’uommene —
     «Vuie site ’a corpa e ’a causa
     ’e tutte ’e guaie ca passeno
          chille ca nun suspetteno
          vuie che sapite fa!…
                    E lèvete,
                         arràssete!
                         E ndanderandà»!..

               Fronne ’e fenucchie!
          (Oi sciorta, oi sciorta nfama
                         e traritora!
          Ca primma ll’alluntane —
                         e po’ ll’accucchie!…)

[p. 34 càgna]


— «L’uommene, ll’uommene, ll’uommene!»
     — diceno tutte ’e femmene —
     Nun s’hanna maie cchiù sèntere!
     Nun s’hanna maie cchiù credere!
          Chi è d’ ’a razzimma ’e ll’uommene
          ngalera ha dda fenì!…
               E scostete,
                    arràssete,
                    E ndanderandi!…»

               Fronne ’e fenucchie!
          (Oi sciorta, oi sciorta nfama
                    e traritora!
          Ca primma ll’alluntane —
                    e po’ ll’accucchie!…)

[p. 35 càgna]








          II.


Femmene? Tutte pèsseme!
     Femmene? Tutte nfame!
     E chesta nun è chiacchiera,
     ma è pura verità.
E ’a quanto tiempo ll’uommene
     stanno dicenno chesto?
     E ’a quanta, a quanta sècule
     nun ponno maie lassà
               sti femmene?…
               (Sti femmene
          ca ’e fanno disperà!)

[p. 36 càgna]


Femmene? Cchiù terribbele
     d’ ’e gatte traritore!
     Vedite, a chi ll’allisceno,
     che scippe sanno fa!
Embè, quanto cchiù ’e scìppeno,
     quanto cchiù ’e fanno male,
     cchiù chille se nce azzeccano,
     cchiù nun ponno addumà
               sti gatte… - (o sia,
               sti femmene
          ca ’e fanno disperà!)….

This page was moved from . It's edit history can be viewed at Chiàcchiera:Canzone e Ariette nove/Canzone nove/Femmene, femmene!..