Canzone e Ariette nove/Ariette nove/Siente, si vide...
Vai alla navigazione
Vai alla ricerca
Modello:QualitàModello:IncludiIntestazione
Siente, si vide…
Siente.... Si vide a chillo
nfamone ’e Gennarino,
dille ca è n’assassino!
No…. Nun lle di’ accussì!
Dille.... E sì, sì… Dincello
ca è tristo! È scellarato!
Ca sempe chesto é stato!…
No… Aspetta.... Nun ce ’o ddi’…
E si lle dice: «Rosa
vurria sfucà pur essa,
simbè pur essa stessa
sta incerta si ’o po’ fa…»?
No.... Di’ ca i’ sto’ chiagnenno!
Dille ca io stongo ardenno!
Dille ca io sto murenno!
Ma portammillo ccà…
This page was moved from. It's edit history can be viewed at Canzone e Ariette nove/Ariette nove/Siente, si vide.../edithistory