Wikisource:Aiuto p''e nuove wikisourciane
| Ajùto:'E primme passe 'e nu cuntribbutore | Aiuto p''e nuove wikisourciane to 'O proofread | Aiuto pe' nnuove wikisourciane - Tipografia → |
| Comme fà 'o proofread ncopp'a Wikisource. |
|
Me so' scucciat, vogl nu libbr!: Vedite 'e truvà nu libbro ccà: portale 'e libbre napulitane |
'O Proofread è 'o funnamiento 'e Wikisource. Chest'è 'o strumiento ca nce dà 'e cchiù meglie teste int''a bibblioteca nuosta. 'O prucesso se cumpleta pe' bbia 'e ddoje "namespaces" (sezziune 'e Wikisource; ca se s'azzeccassero 'a parta d''o titulo) e nu piezzo speziale 'e software. Tutte nzieme, sti ddoje namespaces ((Ennece e Paggena) o 'n 'grese Index e Page) songo chiammate spisso "posto 'e fatica" (workplace pe ngrese). Chest'è 'o posto addò 'o proofreading, l'edizziona e ll'ati pruciesse s'hanna fà. Chesto dà na suppònta bbase ô testo
Chistu pruciesso se bbasa ncopp''e paggene scannerizzate 'e nu libbro fìseco, e normalmente chista piglia 'a forma e n'archivio PDF o DjVu.
Cu chist'archivio se fa ffà na paggena cu l'énnece, che è na paggena criata int''o namespace "Ennece:" cu 'o stesso nomme ca téne l'archivio origgenale.
Mo int'a chist'Énnece ogne paggena va mpizzo sujo facenno vedé [1][2][3]... nfin'â fine d''o libbro, e automatecamente sti paggene se criàssero int''o namespace "Paggena:"
L'Ennece mo mmo cuntene 'e jonte (link) a tutt' 'e ppaggene e ogne paggena s'avesse a leggere (si s'è leggiuto bbuono s'avessero 'aizà nfin'a 'o leviello "Fernuta" - "Proofread").
'A guida ccà abbascio spieca comme fà 'o proofread 'e na paggena, c''o riferimento a tant'ati paggene cu nfurmazziune cchiù ndettaglio. Pe vedé na guida ncopp''a paggena d'Ennece, vide Aiuto p''e nuove wikisourciane - Ennece 'e nu libbro
Comme s'adda leggere na paggena
[cagna]
Pe tte ffà capace 'e comme funziona stu pruciesso, vide 'a fiura d'esempio. Chest'è n'esempio 'e paggena d'Ennece (Index), cu tutte 'e Ppaggene culleggate.
- Si ffà click ncopp'a nu nummero a caso int'a ll'Ennece, vedarraje na fiùra 'e chilla paggena cu 'o cianco, na casulella 'e testo. 'A casulella 'e testo può essere abbacante oppure ghiencuta già;
- Si chesta è abbacante: scrive 'o testo ca vide int'a ll'immaggene;
- Si nun è abbacante: cuntrolla e curregge 'o testo ca vide int''a casella 'e testo 'n maniera ca s'azzecca esattamente a 'o testo int'a ll'immaggene;
- Fa Pre-vide (Preview) 'a fatica toja, miette 'o stato comme "Liggiuta" (culore blu), aroppo astipa (save);
- Si nun hè fernuto ancora 'e ffà 'o proofread (a liggiuta bona) e 'o vulisse sarvà, allora può miettere comme stato chillo 'e "Nun liggiuta" (culore russo);
- Fa' sempe chist'ùrdeme ddoje ndicazziùne p'ogne paggena int''o documento.
'A veduta lato a lato d''o testo
[cagna]
Quanno vire na paggena (ca stà dint''o namespace r''e paggene), allora 'o schèrmo se vire 'n ddoje parte (fiù 1). Chest'è 'a veruta lato a lato ca te permettesse 'e ffà 'o proofread d''o testo (a manca) e 'o puté cuntrullà cu chillu testo scannerizzato (a dritta).
'O Proofreading
[cagna]Pe' putè fà 'o proofread hè a cagnà 'o testo a smerza c'avesse 'addeventà 'o testo d''a fiùra.
Nun s'adda fà però, comme fosse na fotografia eguale eguale d''a scanziona. Wikisource è nu sito web, nun è nu libbro, e 'o testo sano sano e cchiù mpurtànte d''a tipografia. Hè a fa' sulamente nu testo eguale a chillo d''o libbro, ca s'avvicinasse a chillo ca vire int''a fiùra... po' iucanno ch'''e furmatte wiki, mudelle, ecc... putesse addeventà ancora cchiù eguale... ma nun t'hè 'a scurdà ca s'avesse piglià 'o testo integro, ca se putesse ausà pùre fore 'e wikisource (penza ca chello ca tu vire ncopp''o monitor tujo, può darse ca nun è 'o stesso a chello che vire nu cumpare, pecché nzomma... tanti cose ponno cagnà risoluzziona, autezza d''a fenesta, ecc...).
E stisse ccose ca serveno int'a nu libbro (ca se facesse paggena a paggena) ponno essere contrapruducente int'a sta paggena.
N'esempio songh’’e libbre a culonne, ca s'avessero 'e ffà tutto 'a na catena, dato che po' p'esempio: si se bbuò miettere nu capitolo a paggena (cosa assaje comune ncopp'a Wikisource), fosse difficile 'e leggere 'o zigghe zagghe che fanno nu cuòfeno 'e tabbelle aunìte. Nun se putesse guardà.
- Vide cchiù nfurmazziune ncopp'a: Aiuto:Proofread