ATTO UNICO
Camera decentemente ammobiliata in casa di D. Saverio.
SCENA I. — Nannina, poi Felice, indi Saverio
Nann. Me faccio maraviglia ch’è già tarde e Felice nun se vede ancora! Stu fatto nun me persuade! Faceva tanto ’o spasimante cu mme, e po’ me trascura ’e chesta manera; eh! gatta ce cova, forse ’o signurino starrà occupato per qualche altro amoretto… starraggio in guardia, e si me riesce…
Fel. Nannina mia, scusame c’aggio tardato: diversi amici m’hanno trattenuto, e pirciò so’ venuto nu poco tardi. Bravo! stammatina ti trovo più simpatica del solito… Ma ch’è? nun risponne?
Nann. Ma che vuò ca dicesse? Ascolto e rido.
Fel. Ridi! E pecchè?
Nann. Pecchè vaie facenno ’o spasimante cu tutt’’e femmene.
Fel. Ma no, t’inganni! Forse ’o miette in dubbio ca te voglio bene?
Nann. Cumme vuò bene a ll’ate.
Fel. Ma le altre non sono Nannina.
Nann. Sì, ma io non sono una stupida, e perciò…
Sav. Ah! v’aggio ncucciato finalmente!.. Birbantella, te voglio…
Nann. Zio mio…
Sav. Ma che zio e zio… E tu n’ato impertinente che sì, ti permetti di venire a fare l’amore con mia nipote prima che arrivasse mammeta con la quale io debbo sposare.
Fel. Sissignore, avete ragione, ed io posso assicurarvi che oggi stesso arriverà mia madre da Milano, la quale mi ha scritto che viene appositamente per sposare con voi, e per darmi il consenso che io sposassi vostra nipote.
