Chesta paggena è stata leggiuta du' vote e mo è fernuta.
60
'o voto
Cristina
(suona l’Avemaria. Cristina si fa il segno di croce)
Rafele
(ridendo, ad Annetiello)
Fatte ’a croce...
Annetiello
(irritato)
Ioca!
Vito
Cristí!... Nun mme vulite di’ niente?...
Cristina
(commossa)
Che v’aggia dí?... V’aggia dí ca io ’a nu mese mme trovo fora d’ ’a casa mia, ca po’ essere c’ ’a casa mia nn’ ’a veco cchiù, c’a me tutto chello ca mm’é succieso mme pare nu suonno?... Che v’aggia dí?... Vuie che ne penzate ’e me?... No... don Vi’... nun ne penzate male, ’e me!... Vuie nun mm’avite... nun mm’avite disprezzà... comme fanno tutte quante l’ate... (gli afferra, commossa, le mani)
Vito
(intenerito)
No... io nu’ ve disprezzo...
