Chesta paggena è stata leggiuta du' vote e mo è fernuta.
41
atto primo
Vito
(a Rosa, minaccioso)
Iatevenne, sì no comm'é bbera 'a iurnata ch'é ogge vuie mme facite fa chello ca nun aggio maie fatto!
Donna Rosa
(convulsa, urlando)
Pecché, che faie? Mme vatte? Mme vulisse pure vattere? E tu vatteme!...
Rabbiele
(frapponendosi, a Vito)
E quanno ve ne iate 'a parte 'e dinto?
Don Marco
(a donna Rosa)
Iammuncenne... (cerca di condurla via)
Donna Rosa
Lassateme, 'on Má! Vuie 'o bbedite a che simmo arrivate! Nu figlio c'amminaccia 'a mamma! E n'ato poco mme vatte pure! 'O ssape sulamente Dio chello c'aggio patuto p’ 'o fa! E mò dice ca io ll'aggio fatto accussì, capite, ca io só stata!... Ah, ca io avarria ringrazià a pateto ca m'ha lassato nnanze chisto bello suggetto!
