llà ddinto faceva un calore ’e morte, o ca mme fosse ntiso nu poco ’e debulezza ’e stommaco, mm’è bbenuto ’o suonno, e me songo addurmuto. (beve un sorzo di vino).
Concetta
(seguitando a mangiare)
Éh! E avévemo voglia ’aspettà!
Raffaele
Basta, quanto tutto nzieme mme sento na mano ncopp’ ’a spalla, ca mme tuculiava... — «’On Rafè!... ’On Rafè!... Vedite stu signore che v’ha dda dì»... — «Pronto! Chi è?...» E chi era? Vicenzino, ’o saie, ’o palchettaro d’ ’a primma fila, cu nu giuvinotto tutto elegante, cu tanto nu fiore ’mpietto e cu stu storio mmano, oí! (mostra il copione) — «’On Rafè, pe dimane a ssera, assolutamente, avita fa stu cupione e avita caccià ’e pparte!» — «E quante atte so’?...» — «Un atto, un atto — ha ditto ’o giuvinotto — è un levé de ridò, na cosa ’e mez’ora. Ma assolutamente lei mi deve accertare che per dimani sera, al massimo alle sette, il copione deve stare a casa mia!» — «Va bene, io farò tutto il possibile...» — «No, no! Promessa esplicita! Impegno assoluto! Non si offenda, sa; queste sono quindici lire, e domani sera, alla consegna, altre dieci. Va bene? Le conviene? Vuole che passi io per la casa sua?...» (s’asciuga
