Chesta paggena è stata leggiuta du' vote e mo è fernuta.
12
'o voto
Sufia
Essí! Chillo perde sango e vuie le vulite levà pure ’o riesto!?
Giovannina e Assunta
Neh, ma vedite!
Rafele
Ha purtato ’o vacile! Ll’aveva pigliato pe quacche cavallo!
Don Marco
Statte zitto, ca tu nun ne capisce niente!
Rafele
Mo nce vo’ ’o cchinino!
Don Marco
Vattenne, va tigne ’o cuttone! Isso sape ’o chinino!
Annetiello
(a don Marco)
Nun te ne ncarricà! Addò te vene fatto tu nzagne e miette sanguette.
Don Marco
’O chinino! È asciuto n’ato Cardarelle! (entra nella sua bottega)
