Chesta paggena è stata leggiuta du' vote e mo è fernuta.
168
a "san francisco"
Peppe
Datemmillo sulamente a canoscere... ca po’ ce penzo io... (torna a sedere sulle tavole del suo letto).
Cicciariello
Scopa!
Rafele
Sango d’ ’a morte!... N’ato asso!
Cicciariello
Scopa! So’ fora!
Rafele
Aspè!... Comme si’ fora?... (al ragazzo) Guaglió’, fatte cchiú llà!... ’A che te si accustato cca bbicino nun so’ stato cchiù buono ’e fa na carta!... Aíze, vattenne!
Cicciariello
Vattenne!... (lo spinge, brutalmente).
Luigiello
(tornando accanto a Totonno)
E io che ve faccio?
Totonno
(al ragazzo)
E ched’è? Mo sì benuto ’a chesta parte?... E bbì si ce fa fa ’o spezziale!... Ah!... Federì!... (urlando pel dolore) Tu mme stuppie!...
