Chesta paggena è stata leggiuta du' vote e mo è fernuta.
Ah, povera a me, povera a me!... E si vene Vito?!... E si trova a chill'ato?!...
E, pecchesto, nun ve perdite 'e curaggio.. Facite quacche cosa... penzate a nu sottarfuggio... Comme v'aggia di'?...
(Con sconforto). E che pozzo penzà?.... Venesse... So' priparata a tutto... Io ll'aggio vuluto, e ben a mi sta!
Uh, mamma mia! E pecchè ve perdite 'e curaggio? E a chella figlia ca tenite ce penzate, o nun ve mporta cchiù manco d'essa?
Povera Margaretella!
Figlia 'e Taniello, è ovè? Eh! E mo vedite che succede, quanno 'o marito vuosto 'o vvene a sapè!
(Con dolore) Povera Margaretella! (Piange).
