Chesta paggena è stata leggiuta.
(Senza turbarsi). Io? E che fosse 'o muzzo 'e stalia vuosto, io? E po', vuie pecché ve pigliate tanta collera? 'A signora ve prutegge... Nun avite visto comme appapagnava 'o marito?
E turnate 'a ceppo! Mettite sempe campanelle 'n canna 'a gatta, vuie!
Ve sbagliate. Comme se dice? Chello ca nun se fa, nun se sa. Stateve accorto, però...
(Subito). A vuie che ve ne preme?
(Sarcastica). Mme preme 'e vuie, ca site nu buono giovene... ca mangiate pane e fatica, mo nce vo'!
'I comme 'a sapite longa!... (D'improvviso, aspramente). Site stata vuie, ca mm'avite ferito 'o cavallo, pe nun mme fa' i' a Muntevergene. Bella azione ca sapite fa'!...
