Chesta paggena è stata leggiuta.
Io, pe me, miedece e medecine luntane 'a casa mia! 'A mmedecina io nun ce credo. Quanno ha da venì na disgrazia, è Dio ca nce 'a manna.
(Scandalizzata). Uh, Sant'Anna mia! Giuvannì, tu che dice?!
Dico ca è tarde, e nuie stammo ancora cca. Iàmmece a spuglià. (Con gesto largo). Salute a tutte!
Ve saluto, 'on Giuvannì. ('On Giuvannino esce solo. Cuncetta si accosta a Furtunato: entrambi parlano sottovoce, animatamente).
(A Cannetella) Io vaco a' Dugana. Arrivo tarde, ma nun fa niente.
E, si è tarde, che ce vaie a fa'?
Nce aggio 'a i' a forza. Ogge è sàpeto, e corre 'a paga.
