(A 'onna Cuncetta). E prutieggelo, tu! Prutieggelo! Tu piglie 'e difese 'e stu bello mobele; e a me chisto mme tocca 'a nervatura!
Ma, Giesummaria! Io me ll'aggio cresciuto 'int''e ccarte, a chill'animale! Ll'aggio tenuto comm'a nu brillante! Mannaggia chi nce ave colpa!
Iammo, 'on Giuvannì! Vuie site nu brav'ommo...
(Pigliando a braccetto il marito). Iammo... Iammuncenne a' casa... A Muntevergene nce iammo dimane, si Di' vo'... (A furtunato con finta severità). E tu resta... E penza a curà 'o cavallo. Capisce, o no? Va chiamma 'o ferracavallo...
Pe mo, ll'aggio fatto 'e bagnature 'e ll'aggio nfasciato. Vedite ca 'o cavallo, 'int'a duie o tre ghiuorne, si rimette. Mo vaco a chiammà 'o ferracavallo, areto 'a chiazza. Chillo è 'a penna!
