Chesta paggena è stata leggiuta.
T'aggio ditto ca nun è niente... Nun è niente!
(Riappare sotto l'arco, agitatissimo. Borbotta): Sanghe d''a morte! E... chi è stato?
(A Furtunato) Che v'è succieso?
Mm'hanno svenato 'o cavallo!... Na botta 'int'a gamma deritta!... È nu dispietto! Sanghe d''a Marina! È nu dispietto! (A cannetella). Vuie... nun sapite niente?... nun avite visto niente?
Niente.
(Contemplandola acutamente). Nun stiveve cca vuie, quanno io so' asciuto, p'accattà 'e fettucce?
(Guarda Cannetella; comprende. A Furtunato, come a distoglierlo). Che saccio, si' Furtunà: state parlanno 'e na manera...
