Chesta paggena è stata leggiuta.
(Aspramente) 'Onna Cuncetta: 'a mugliera e 'on Giuvannina.
Traschete!... 'Onna Cuncetta 'a bellella? 'A chiammano accussì, 'int''o quartiere. È essa?
Essa. Essa.
Brutta scigna! E... 'o si' Furtunato?
Pss!... Nun alluccà. Furtunato sta 'int''a stalla, mettenno in ordine 'a carruzzella (sogghigna) pe ghi' a Muntevergene... cu essa, cu 'a bellella.
(Preoccupata) E 'o marìto?
Quanno maie 'o marito ha cuntato niente!
Nun dicite chesto. 'On Giuvannino, è overo, è nu buon ommo, ma st'affronto cca non 'o suppurtarria.
