Chesta paggena è stata leggiuta.
(Cannetella rientra in casa. Ne riesce, recando una sedia. Siede. Nannina toglie dai suoi capelli il pettine e comincia a ravviare i capelli di Cannetella).
Comme ve piaceno: 'a vergene o c''o tuppo aizato?
Comme vuò tu.
'O fierro p''e ricce nun è nicessario, pe vuie. Tenite e capille ca fanno mmiria a na luciana!
A che mme giova, Nannina mia: a che mme giova? (Con un singhiozzo represso). So' accussì sfurtunata!
Nun 'o dicite. Tenite tutte 'e bellizze ca Dio ha criate, e ve perdite 'e curaggio?! Uocchie e mal'uocchie, e cacciate 'o malaurio! (Pausa) Stiveve dicenno... 'O si' Furtunato v'ha lassata?
(Con un fremito sordo, accenna di si). Si.
