Chesta paggena è stata leggiuta.
Iusto iusto: quanno 'e pruvammo sti cunfiette?
So' ghiute 'acite, Lucariè!
(Sorpreso) Comme? comme?
Eccuccà. D''o meglio, se dice, ce sta 'o migliore. Amice povere, amante perdute! (Furtunato passeggia, sbuffando). Io so' na povera figliola, senza pate e senza mamma: n'anema sperza. Nun tengo anella. Nun tengo toppe 'e brillante, cullane 'e perne, veste 'e seta...
(Interrompendo). Ma tenite 'e meglie ricchezze: 'a bellezza e l'onestità.
(Sorridendo penosamente) No, ca io nun so' bella! No, ca io nun so' bona! E po', che conta tutto chesto? Ogge, corrono sulo 'e llire, Lucariè! Cca, Dio 'o ssape e 'a Madonna 'o bede che s'ha dda fa' pe cammenà deritto!
Chella bella Madonna prutegge 'e ffigliole bone...
