Chesta paggena è stata leggiuta.
(A Cannetella, che fa per rientrare in casa) Ve ne trasite, Cannetè?
Sentite, Faraò: si nun vulite ca me ne vaco, faciteme 'a finezza 'e levà sti storie 'a miezo.
(Sarcastico) Nun ve n'adunate, Faraò, ca madama se disturba?
(Amaramente ironica) 'E mmadame 'e canuscite vuie! Chelle che portano 'a veste 'e seta e 'o scuorno 'n faccia!
E se capisce. Se io canosco a sti femmene... comme dicite vuie... ce sta chi affianca a cierti tale e quale uommene, ca vanno, bello a menà 'o rangio e a manià 'o curtiello.
(Con risentimento) Nun ve 'ngannate l'anema. Totore nun è chello ca vuie penzate.
'E ffemmene bone nun s'accazettano cu
