Paggena:Teatro - Menotti Bianchi.djvu/471

'A Wikisource.
Chesta paggena è stata leggiuta.
— 449 —


SCENA IX.


detti e Cuncettina.


Cuncettina


È permesso? (timidamente)

Sufia


(Con dispetto) Guè, si tu? Che te manca? Che, pure tu me credive morta?

Cuncettina


No, 'onna Sufia mia, cient'anne 'e salute a chi male e bene ce vò...

Sufia


'O saccio, 'o saccio!... Ma che buò? Si viene pe denare, t''o dico 'a mo ca nun tengo manco nu cientesemo. 'Sta malatia....

Cuncettina


Ma io v'aggio pavata sempe. Io stammatina aveva 'a cunzignà otto cammise 'e musullina a na signora... So' ghiuta, e chella benedetta pozza essere, nun ce steva. Io nun vuglio assaie, che ve credite?...

Sufia


E m''e' purtate 'o 'nteresse ncoppa 'e vinte lire?