Chesta paggena è stata leggiuta.
E che vuò? Di'...
Nun pozzo tuccà niente. 'O miedico nun vò... (lungo silenzio). 'Onna Carmé, me vulite cuntà 'o cunto d''auciello grifone?
N'ata vota 'o vuò sentere?
Sì, sì,... me piace 'e sentere...
E te staie zitta?
(Ponendosi la mano al petto) A parola mia!
(Comincia a raccontare, con voce monotona, da cantilena, col ritmo eguale, col quale le vecchie sogliono narrare le fiabe) Ce steva na vota nu Re cecato. Stu Re, na notte, se sunnaie ca pe se sanà ce vuleva na penna 'e ll'auciello grifone. 'A matina chiammaie 'e figlie e dicette chello ca s'aveva sunnato, e
