Paggena:Teatro - Menotti Bianchi.djvu/323

'A Wikisource.
Jump to navigation Jump to search
Chesta paggena è stata leggiuta.
— 301 —


Nunziatina


L'uommene fanno tutte accussì!

Gnesella


Faccio buono io, ca 'e faccio spantecà!...

Assunta


Rusella, però, nun se perdette 'e curaggio, e doppo poco tiempo se truvaie Aniello, ca se n'annammuraie comme a nu pazzo.

Mimì


Mo accumencio a capì, 'o bi'!...

Assunta


Sempe comme m'hanno cuntato, diceno ca stu Taniello, quanno appuraie ca l'amico suio, Aniello, s'era miso cu Rusella e sa vuleva spusà, se dichiaraie su dui' piede, e sbelette tutto 'o fatto. Avite capito?... Ora mo, nun se sape si 'o facette pe gelusia, o pe nun tradì l'amicizia.

Vito


O l'uno o l'ato, facette na mala azione!..

Carminiello


(A Taniello) Taniè, jammuncenne...