Chesta paggena è stata leggiuta du' vote e mo è fernuta.
pure vuie; doppo veve chi ce ha cacciate, e bevo pure io!... E bevo semp'io! (Cade sul tavolato).
Ma chisto overo è na peròccola!
Peròccola siete lei, brigatiè! Basta, nun fa niente; vevite pure ('o Piantone esce).
Embè, che d'è, ve ne iate? Chesta è n'offesa! (A Salvatore) Pe favore, tenisseve nu sicario? (Salvatore gli offre la pipa) «No, questa me disturba; e poi v'ho pregato ca io so' nu galantommo. Voi per chi mi avete preso? Voi mi conoscete? »
'On Giesuè! durmite, si avite 'a durmì.
Ma io ve voglio dicere chi songo io... Sulo Linardo avrei potuto fare quello che ò fatto io mmano a Francisco! Eh, staie lustro! Ogne vota ca me vedeva 'o Re erano pezze!
Ma quale?... Chelle ca tiene 'o cazone?
