Chesta paggena è stata leggiuta du' vote e mo è fernuta.
(Accompagna Amalia alla porta, poi corre a dare un bacio a 'Nnarella, che lo allontana) E pecchè?... Pecchè nun me vuò dà nu vaso?... Tu 'e' chiagnuto?!... Ch'è succieso? Dimme, dimmello!... Che t'è succieso!
Furtunà... (Soffocata dai singhiozzi)
Ma che te siente?... Parla!
Io so' na disgraziata! Io nun so' degna 'e te spusà!... No, no! Nun te pozza spusà!...
(Con sorpresa) Tu?!... No, no!... Tu si' na pazza!...
Io fino a mo sapeva ch'era d''a Nunziata; ma nun sapevo che màmmema era viva.
E chesto te fa chiagnere?!... Che scemona!... Scemòna!...
