| SECONDO ATTO | 275 |
ANNA
A Pede. Sò trent’anne ca nun sentevo ’o sisco d’ ’a sirena… M’ò sò sunnato stanotte… Uhúúúúú!…
(rifa il fischio lugubre della sirena)
E stammatina l’aggio voluto sentere… S‘io fosse stato pittore, sempe ’o mare avesse pittato: varche, vele, rezze, rimme, e mare… mare… mare…
(fa il quadro col gesto: largo, espressivo, immenso. D’un tratto, cambia tono, e, comicamente soggiunge:)
Nun fa niente che a mare nun nce stanno taverne!…
(e soffoca il sentimento nel riso)
GIGANTE
(ridendo:)
’A vi’ mamma d’’o figlio…! ’E mmosse… ’a faccia… ’a voce… Che cosa magnifica!
DE MURO
Mammà, ve vulissive fà capitano ’e mare comm’ ’a papà?
ANNA
(ride e fa cenno di “si„ con la testa)
LUCIA
Parteva nu legno pe ll’America… Tutte quante salutavano c’ò fazzuletto… ’A gnora pur’essa ha cacciato ’o fazzuletto, e s’è misa a ffà accussì… accussì…
(sventola a lungo il suo fazzolettino)
