Paggena:Teatro - Libero Bovio.djvu/121

'A Wikisource.
Chesta paggena è stata leggiuta du' vote e mo è fernuta.
113
UN ATTO

     So’ turnato da Paliermo
     pe’ truvare a nenna mia;
     l’aggio truvata
     cchiù malandrina,
     palomma mia
     pienzece tu!

PULCINELLA

(tenero e commosso, a Colombina:)

'O ssiente? — E ghiammuncenne… Che nce facimmo cchiù ccà bbascio?

COLOMBINA

(atterrita e felice)

E me puorto cu tte?

PULCINELLA

Sì, cu me, llà ncoppa… Ma abbada bene… M’avissa fa’ fà scumparze? Llà nce teneno a ’sti ccose… Si sapisse che bella giuventù sta saglienno ’n Paraviso… Sò tutte uffigiale!…

COLOMBINA

E pe' chi m'ê pigliato?

(cerca il manicotto, ne cava un piccolo specchietto, e vi si mira:)

M’’o pputive dicere primma… M’ê fatto levà ’o rrusso ’a faccia!…
(raccoglie da terra una rosa, e se la conficca nei capelli. Poi, si stringe al braccio di Pulcinella, e intona anch'ella, con i due vecchi, l'antica canzone)…