Chesta paggena è stata leggiuta du' vote e mo è fernuta.
106
PULECENELLA
COLOMBINA
(singhiozzando anch'ella)
Pulecenè, tu chiagne?… E quanno maie?…
PULCINELLA
E pur’io sò ’e carne!… (e cade a sedere, e ancor singhiozzando, grida:)… Pecchè me n’hanno cacciato? Ched’è, ll’ate sò meglie ’e me?
COLOMBINA
No, no, masculone mio, sceruppo mio, tu si ’o meglio ’e tutte quante… E nun chiagnere a Culumbrina toia, ca me faie nzerrà ’a vocca d’’o stommaco… Quanta disgrazie ca ’e passato pe’ me… Perdoname… Perdoname…
PULCINELLA
(poggiando la mano sul capo di Colombina:)
In nomine pater, mater, filius, Spirito santo, Museo, Santa Teresa e Capemonte, noi, Pulcinella Cetrulo, vostro marito e consorte, vi battezziamo madre, sorella e sposa. Amen!…
COLOMBINA
(ridendo e piangendo)
E contame… Comm’è ca si’ arrivato anfi’ a ccà ncoppa?
PULCINELLA
E che ssaccio? — Chesto sulo me ricordo… ca muorto ’e famma ca nun me rievo all’erta so’ ghiuto ascianno
