Chesta paggena è stata leggiuta du' vote e mo è fernuta.
96
UN ATTO
E pe’ me fa’ passà ’a fantasia dicette ’nfaccia a ’sti gamme meie: cammenate avante vuie, ca j’ vengo appriesso…
Cunfromme avutaie pe’ Chiazza Francese me venette ’e faccia Pascale Altavilla cu ’a chitarra sott’’o vraccio. “Addò vaie? addò nun vaie?„ — dicette ’on Pascale — viene te vive nu bicchiere ’e vino. Passanno pe’ nnant’a’ gran guardia nu sguizzero ’mbriaco nce mmitaie a vevere nu surzo ’e sferrazzuolo geniale. Nu surzo porta n’auto, e ’a fantasia allummata vo’ musica e puvisia. Altavilla se mettette a sunà ’a chitarra, — ’o sguizzero cadette ’nterra, ’mbriaco, — e j’ m’addurmette ncopp’’a ’na seggia, cu ll’uva ’nzino e cu ’o granato ’n mano.
COLOMBINA
(tergendosi le lacrime col camice di Pulcinella)
Pulecenella mio!…
PULCINELLA
Nun fuie maie suonno ca ’sti ddoi lanterne cchiù lucente d’’a stella matutina, nun s’arapetteno cchiù! — Facette ’o quatto ’e Maggio, e, contro i meriti miei, tutta una vutata me truvaie mparaviso! — Stanno llà ’ncoppa j’ t’aspettavo. Aspetta… aspetta… E che buò venì? Me nfurmavo ogni tanto addù San Pietro, — ”Neh, san Piè, scusate, sapisseve nutizie ’e Culumbrina?„ — Ma stesse all’inferno?
