Chesta paggena è stata leggiuta.
Matalena. — E chi nun 'o vuleva bene a chillo zengariello mio!
Martulella. — Meh! Àteve curaggio! Si è dato nu scagno, chella Mamma d''a Pignasecca ha da fa' appurà 'a verità. Lle vulimmo purtà 'e ccere, lle vulimmo!
Matalena (lentamente:) — Princepà, mme facite nu piacere?
Majetta (con premura). — Ciento, se' Matalè
Matalena. — Si nun ve dispiace, mme putite dà 'e panne 'e Turillo?
Majetta. — Tutto chello ca vulite.
Martulella. — Addò stanno? Addò stanno?
Majetta. — Ncoppa 'o mezzanino. (Indica il vano del fondo).
(Martulella sparisce frettolosamente nel vano. Si ode il suo scalpiccìo su le scale di legno).
Martulella (rientra, con in mano gli abiti di Turillo, avvoltolati in un panno grigio), — Tenite, se' Matalè (e le porge l'involto).
Matalena (come in un delirio, bacia le vesti del suo figliuolo, e tra i baci farnetica:) — 'E boglio astipà!... 'E boglio mantènere pulite pulite... Pecchè Turillo se l'ha da mettere, mo ch'esce... Sì... Pecchè Turillo ha d'ascì, ampresso ampresso... (a Martulella:) È ovè? È overo ch'ha d'ascì?
Martulella (subito, come ansiosa di metter fine a tanta pena:) — E sì, sì. Anze, sapite che vulimmo fa'? Iammuncenne, mo. Iammo ncopp''a Sezione. Vedimmo 'e parlà cu l'ispettore.
Matalena (come insanita:) — Sì... Sì... Iammo a parlà cu ll'ispettore... (Appoggiata al bracio di Martulella,
