Paggena:Teatro - Aniello Costagliola.djvu/34

'A Wikisource.
Chesta paggena è stata leggiuta.
— 24 —
appoggia ad uno degli stipiti. È tutto invaso da uno strano terrore; ma si sforza di apparir calmo).
Majetta (non appena il giovine appare, con lieve tremore nella voce:) — Erricù!...
Erricuccio. — Papà? (Un fremito gli attraversa il corpo).
Majetta. — Si' tricato fino a mo?
Erricuccio (avanzandosi, con uno sforzo:) — 'O cumpariello... mm'ha trattenuto... Nun se truvava denare pronte.
Majetta. — E te l'ha date?
Erricuccio. — Sì
Majetta. — Meno male!... E lassammo fa' a Dio!


(Un silenzio).


Majetta (si accosta a Nanella, e la scuote dolcemente). — Nanè... Nanè, è venuto Erricuccio. (Ma la giovane è ricaduta nell'abbattimento: e non si muove, e non risponde).


Majetta. — Erricù... figlio mio... chiàmmela tu... fatte vedè...
Erricuccio (con passo lento e stanco, si accosta alla giovine; le pone una mano sul capo, e si sforza di parlare. Ma la mano gli trema, e gli trema la voce. Dice a stenti:) Nanè... Allegramente, Nanè... Tutto s'è aggiustato... Allegramente!... (Si china un po' su lei: ma subito si raddirizza, con uno scatto). Tu chiagne?!... Nanè?!...
Nanella (senza muoversi, e con voce lacerata dai singhiozzi:) — E sulo chiagnere pozzo!... Sulo chiagnere, Erricù!... Turillo...
Erricuccio (balbettante, smarrito:) — Turillo?... Ch'è stato, Turillo?... (A Majetta, gli occhi sgranati, la voce roca:) Addò sta Turillo?
Majetta (prudentemente:) — Mo vene... È asciuto nu mumento... Mo torna.
Nanella (scotendosi e sollevandosi dalla sedia, con uno sforzo:) — No, ca nun torna, Erricù!... Ll'hanno arrestato!