Paggena:Teatro - Aniello Costagliola.djvu/28

'A Wikisource.
Chesta paggena è stata leggiuta.
— 18 —
Abbamonte (quasi azzardando la domanda:) — Brigatiè,... ch'è succieso?
Schisà. — E ch'ha da succedere!... È na crisi nervosa!... Chillo mme pare n'ossesso! S'ha fatta 'a faccia comm'a nu Santo Lazzaro!... Steva dànno 'e capa 'n faccia 'o muro!... Ll'aggio avuto 'a fa' mettere a forza 'e fierre. E si no, che purtammo nu cadavere, ncoppa?... Chiammate na carruzzella!
(Tutti si affollano presso la porta di strada).


Martulella. — Che pena! Che pena!
Gli altri (gridando fuori:) — Na carruzzella! Chiammate na cetatina!
Schisà (forte, ad una delle guardie di fuori:) — Jovinè! Na carruzzella.
La voce di una guardia. — Ehi! Cocchiè!
Le voci della folla. — Na carruzzella! — Tetì! Avota! — Cca! Cca!
La voce di un cocchiere. — 'E piere! 'A guardia! 'Àteme 'o passaggio! (Si ode lo schioccar della frusta).
Schisà (sempre guardando fuori:) — Ancora sta folla, lloco! ma che facimmo l'opera, cca?
Le voci delle guardie. — Largo! Largo! Sgombrate!


(Un gran brusìo di voci externe).

(In tanto, Turillo è apparso sotto l'arco del vano. Ha i polsi costretti nelle manotte. È pallidissimo, tremante, sconvolto, e cerca di divincolarsi dalle strette di Matutino).


SCENA QUINTA.


Detti. — Turillo, Matutino, Nanella, Majetta.


Turillo (a Matutino, lottando:) — Nun tirà!... Nun mme tirà!... Lassa!
Matutino (implacabile:) — Sta fermo! Che forza de boia! Cu tutte 'e ferri, spara pugni, ch'è nu diavolo!