Paggena:Teatro - Aniello Costagliola.djvu/164

'A Wikisource.
Chesta paggena nun è stata leggiuta.
—154 —
Stefano (come intontito:) — E tu staie parlanno francese, bello mio!
Michele (quasi pentito dello scatto:) — E ch'aggia fa'? ch'aggia fa'? Quanno mme va 'o sanghe 'n capo, parlo francese, parlo! Mme cride, cumpà? 'A malatia d''o guaglione mm'a scasato! A spasso, e cu chillo lòteno!... (Una pausa). Basta. Vutammo fuoglio. Veneno sti cliente lire?
Stefano. — E mm''o spie a me? Cumbìnete cu essa.
Michele (con uno sguardo interrogativo, a Stella:) — Cummarè?
Stella (freddamente:) — Eccuccà, cumpariè: o patto è uno e 'o piso è n'ato. Sapete? L'èpeca è trista; e ogge, primma 'e caccià fore na riece lire, nce avimmo 'a penzà riece vote ncoppa.
Carmela (sorride con amarezza:) — È giusto.
Michele (accigliato:) — Embè?
Stella. — Eccuccà: 'e cciente lire so' pronte; ma... cu nu patto.
Michele (riflettendo:) — Nu patto? E... sarebbe?
Stella (prudentemente, quasi volendo trattenere le parole:) — Cumpariè, scusate... e nun 'o ttenite per offesa...
Stefano. — Scusa, cumpà!
Stella. — ...Ciente pe cientevinte, a cinche lire 'a semmana, e... c''o priegio 'e 'on Prospero, 'o partitario d''o Monte...
Michele (fremente di collera:) — 'On Prospero?!


(Carmela impallidisce, trema; ma si contiene).


Stella. — ...'On Prospero nun dice ca no... Ve vo' bene... Ve prutegge...
Michele (assalito da un lieve tremito, che cerca invano di reprimere, ripete a tratti:) — Nun dice ca no... Ve vo' bene... Ve prutegge... (Di scatto, alzandosi:) Chi è?... Chi è ca mme vo' bene?... Chi è ca mme prutegge?... Chi è don Prospero?... 'Int'''a casa mia, nun ce stanno prutetture! nun ce stanno patrune!