Chesta paggena nun è stata leggiuta.
Michele (torvo:) — Scenate? Comme s'intende?
Ninuccio. — Io nun vurria ca pe causa mia v'avisseve 'a ntussecà 'a serata. (Con simulato rammarico:) Che saccio... Forse, mme so' regulato malamente. Quanno v'aggio mmitate, mm'è paruto comme si 'onna Carmela n'avesse avuto poco a piacere.
Michele. — Ninù! Ninù, tu mme canuscie. Pe massima toia, 'int''a casa mia, cumanno io. 'A femmena è icse mmiezo 'e llèttere d''a santaroce.
Ninuccio. — Capisco, ma...
Michele (quasi di scatto:) — Ma che? (Una pausa). E po', tu 'o ssaie: è naturale 'e femmena fatto accussì...
(Ninuccio nota di sottecchi il turbamento di Michele; cava un sigaro, lo accende, ed emette due o tre boccate di fumo).
(Intanto, i ragazzi han terminato il loro abbigliamento di festa. Ora si dispongono ad uscire).
(Ninuccio nota di sottecchi il turbamento di Michele; cava un sigaro, lo accende, ed emette due o tre boccate di fumo).
(Intanto, i ragazzi han terminato il loro abbigliamento di festa. Ora si dispongono ad uscire).
Cenzeniello. — Pronti! (Agita la banderuola).
Sciurillo. — Pronti! (Impugna la spada).
Michele. — Cenzeniè, ritirateve ampresso, Io lasso 'a chiave d''a purtella a don Ciccio 'o canteniere. Si pe chi sa nuie ce spicciammo nu poco cchiù tardulillo, vuie pigliateve 'a chiave: arapite e cuccàteve, cuiete cuiete. E nun menate 'o maniglione, perchè nue ce purtammo 'o chiavino. Mme so' spiegato?
Michele. — Be'! Iatevenne. E nun ce ntussecammo 'a festa 'e San Vicienzo.
Cenzeniello (al fratello, in tono di comando:) — Avanti! Marsce!
(Sciurillo dà fiato alla sua trombetta, emettendo un suono rauco).
(Sciurillo dà fiato alla sua trombetta, emettendo un suono rauco).
