Chesta paggena è stata leggiuta du' vote e mo è fernuta.
32
Storia vecchia
chello ca fa essa… Pecchè mm’ha da cuntrarì ’e ’sta manera? Che ba truvanno?!
’A sie’ Cuncetta
E denare… (sorride triste)
Pascalino
(con rabbia) E denare!? Mannaggia ’e denare! Ah, ca ’o Pateterno nun è giusto!
’A sie’ Cuncetta
(subito) Zitto cu sti parole, gue’! Agge pacenzia; mámmeta pure dice na cosa: Stu giovene se nzora; e po’?…
Pascalino
Comme?…
’A sie’ Cuncetta
’A guagliona nun tene niente; isso non fa niente…
Pascalino
E ched’ è, a chi so’ figlio?…
’A sie’ Cuncetta
Lloco sta ’o fatto! Nun ll’hê capito ancora? Mámmeta solde nun ne vo’ caccià. Anze vularria ca tu nc’è purtasse int’ ’a casa. ’O penziero suio, è chillo ’e te fa’ fa’ nu buono matrimmonio…
Pascalino
Se io nun me sposo a Margarita, nun me spusarraggio a nisciuno…
