Maria
E bravo! ’A Maronna ’a pòzza benedìcere.
Donna Rosa
Marìteto sta buono? Fatica?
Maria
Buono, grazie. Arrangiammo, ’onna Rosa mia. (toscaneggiando, scherzosa) Si fa comme si può!
Donna Rosa
(carezza il bimbo) Stu piccerillo è ’o tuio?
Maria
(che tiene sempre per mano il piccino) Gnernò: è figlio a’ sie’ ’Ntunetta. ’A sapite? ’a mugliera ’e Vicienzo…
Donna Rosa
Va buò, aggio capito… Nu bello guaglione!
Maria
(subito, con gli occhi luccicanti, orgogliosa) Sì, e aite ’a vede Geretiello mio quanto s’è fatto bello, 'onna Ro’! Nu’ pe mm’ avantà, n’angiulillo ’o mettite ’e parte. Cu chilli capellucce comm’ a ll’oro, ricce ricce… Ma quante! Cu nu paro d’uocchie, ll’uocchie d’ ’o pate, ruosse accussì; ca si t’ ’e spaparanza ’n faccia, te fa mettere appaura!
