Chesta paggena è stata leggiuta.
135
Atto terzo
Pascalino
(a Cuncetta, ossequioso) Bôngiorno, sie’ Cunce’; Margarí bôngiorno.
Margarita
Bôngiorno. (si fa rossa per l’emozione)
’A sie’ Cuncetta
(c. s.) Ma, Francì… Tu ’o ssaie ca Pascalino cca…
Si’ Francisco
L’aggio ’avuto fa’ na mmasciata.
’A sie’ Cuncetta
E ’sta ’mmasciata nce ’a putive fa’ pure fòre… Lle dive n’ appuntamento.
Pascalino
Aggiàte pacienzia, sie’ Cunce’.
’A sie’ Cuncetta
Pe cunto mio…
Pascalino
(con amarezza) Capisco. Troppo giusto! Stàteve buono, zi’ Franci’.
Si’ Francisco
(gli stringe riconoscente la mano) Grazie!…
