Paggena:Spassatiempo 1875 n.014.djvu/1

Chesta paggena è stata leggiuta.

Anno I. — Nummero 14

Costa UNO Sordo

Esce ogne Dommeneca

LO SPASSATIEMPO

VIERZE E PROSE

	FATTE
	Pe n’anno	L. 3,00
	Se mise	1,75
	No nummero scurzo	C. 20

NOVE E BECCHIE

DE LUIGI CHIURAZZI E D’AUTRE

L’associaziune se fanno a Napole, a lo Llario de le Pigne, mo, Chiazza Cavour 47.

Lettere, vaglie, manoscritte, tutte ntestate e affrancate a lo direttore L. Chiurazzi.

Napole 6 Giugno 1875

LO SAPONARO

Chi me dà mbrielle,
– Pezze e scarpune
Cappielle viecchie,
– Mappine, fune,
Robbe scassate – Chi me vo dá?
Tutto me piglio; – Venite ccà.
Neh! chi me chiamma – Da lo barcone?
So lesto, vengo. – Sto ccà.
Sapone!

STORIA DE NAPOLE⁽¹³⁾

SPALEFECATA A LO VASCIO PUOPOLO

DA LUIGI CHIURAZZI

(Vide lo nummero passato)

D. Tornato Federico Nsecilia, che facette?

R. Pigliaje li Sarracine che s’erano rebellate, e li mannaje a le doje cetà de Lucera Npuglia, che una de chesta ogge se chiamma Nocera de li Pavane; mannaje 40 galere pe soccorrere li cristiane che commattevano Mpalestina, pe mmostà la promessa fatta ad Onorio, primma de la ncoroazione, de jre de perzona a ffà la guerra co li ncredule, accommenzaje a sistemá lo Regno prubbecanno diverze legge, e n’assembreja generale

Tutte le ccose – Cchiù sconquassate
   A nuje se dànno – Pe prelebate.
   Ne ne’ è speranza – Co st’arte mia
   Che pe mogliera – M’aggio a Lucia.
      Chella se mmereta – N’ommo riccone
     Io so pezzente! – Sto ceà.
Sapone!
Pecchè nascette – No saponaro,
   E no a lo mmanco – Ricco massaro?
   Lo munno è chisto: – Nce stà lo ricco,
   E nce stà pure – Chi fa palieco:
      Nce stà lo prencepe; – Nc’è lo barone
     Ed io, pacienza! – Sto ceà.
Sapone!
Chesta è la sciorta; – Non c’è che fare
   Che se cagnasse – Te può scordare!
   Pe me fernute – Sò le speranze;
   Sulo sta sporta – Me porta nnanze.
      Chesta sortanto – Me fa ragione;
     Co chesta campo.– Sto ccà.
Sapone!
Pare sta sporta – Comm’a la fossa:
   De ricche e povere – Ccà stanno ll’ossa.
   Da nuje non guardase – la qualità.
   Non zzò che danno – se mbroglia ccà.
      Non fa la morte.destinzione;
     Manco io ne faccio.-Sto ccà.
Sapone!

Carlo Guarini

tenuta a la cetà de Melfi; prubbecaje lo codece de le llegge soje, ca è lo cchiù antico de li Regne de l’Auropa doppo lo romano. Sto codece fuje fatto da lo famuso maggestrato Pietro de le Vigne nativo de la cetà de Capova. Federico essenno appassionato de l’uommene de acienze e de lettere accrescette, e miglioraje li studie e facette fravecare l’univerzità de li studio de Napole.

D. Che autro facette?

R. Peazaje porzì d’aumentare lo commercio, e perzò fujeno stabelute da isso, cierte juorne ad ogne anno pe le prubbeche fere a le provincie, azzò li nioziante potessero portaro e vennere le mercanzie lloro.

D. Pecche Federico fuje chiammato re de Gierusalemme?

R. Esseano morto Costanza, mogliera de Fede-