Chesta paggena è stata leggiuta.
non farte j fantasio, te contentaraggio, che sia sempe fatta...
| Col. | La volontà de lo cielo... (viano) |
| Mar. |
Ter (Mo è tiempo de tenè a memoria le parole de mamma, e mettere in prattica le lezione soje.)
Pet. (Posa il libro e si avanza un poco imbarazzato) Teresì... Teresì, simmo restate sule.
Ter. Sissignore.
Pet. E va dicenno, me vuò bene, me vuò bene quanto te ne voglio io a te, sciascioncella de chisto core?
Ter. Sissignore.
Pet. Ah! che bella, che bella parola è chesta che m'haje ditta; Tu haje da sapè, ca ntutte l'azione de la vita che faccio, penzo sempe a te. Quanno dormo, nzuonno, non veca auto che na nuvola attuorno a lo lietto, che mo saglie, mo scenne, mo gira, mo vota, e dinto a chella nuvola ce staje tu, acconcia e fresca, comme a na rosa de maggio; si me soso e me ne vaco a fa na passiata dinto a lo Ciardino, ogne fiore, me pare Teresina, e ogne ventariello che scioscia, me pare la voce toja, che me dice Petruccio. Petruccio mio carillo, carillo... Me metto a studià, e mmece de fà la concordanza che
