Chesta paggena è stata leggiuta du' vote e mo è fernuta.
Pur’io, pur’io, na vota,
tenevo a na manella
sfusata e tunnulella
pe farme accarezzà...
Ma stu ricordo caro
ca m’è rummaso ’ncore,
è muorto cu l’ammore
tante, tant’anne fa!
Pur’io, na faccia d’angelo
aggio vasato mmocca,
vocca zucosa ’e zuccaro
comm’ ’e ccerase a schiocca...
E st’uocchie ca mo chiagneno
p’ ’o bene, ahimmè, perduto,
pure l’hanno saputo
l’ammore che po’ dà!
Pasca! serena è ll’aria
e sonano ’e ccampane!
Attuorno, ’e rrose sguigliano...
Se ntrezzano li mmane...
Sulo ’o ricordo caro
ca fa sperì stu core,
se perde cu l’ammore,
tante... tant’anne fa...
— 24 —
