ATTO UNICO
Galleria con tavolino, sedie, ricapito da scrivere e specchio
SCENA I. — Pangrazio alla specchio, vestito con caricatura, e Prospero che l’accomoda la parrucca.
PANG. Bravo Prospero! Tu si l’uneco p’accuncia ’e parrucche!
PROSP. E’ tutta bunta vosta.
PANG. Appila, ca tu te mmierete na parma pe cumprimento, anze, justo, justo, io aspetto nu carreco ’e sciuscelle, e te voglio fa ngrassa comm’a na jummenta che Se matte a1l’erva.
PROSP. (M’’o fa ’o riale!) Grazie tante.
PANG. E mo cbe Vene ’a sposa, Che pe quanto ma: scrive ’o pate, 63 na pullanchella, na pupata ’e fiche secchemunnate, tu farai gli onori di casa.
PROSP. Grazie. Eh! viato a essa sta figliola, che so piglia a n’ommo ricco e scienziato quale site vuje. (con esagerazione)
PANG. Non faccio pe dirlo, ma aggio studiato ncopp’’a li libre… (de 40 foglie!)
PROSP. (Povero pachiochio, overo se crede.)
PANG. Prò, djmme ’a verita: che diciarrà ’a sposa vedenno stu mostro ’e bellezza… st’aborto ’e natura?
PROSP. Nun credarra cchiù a la fortuna soja. (Povera guagliona!) (avrà terminato d’accomodarlo)
PANG. Mo va t’accucciulea dint’’a cammera…
PROSP. Ma che m’avite pigliato pe cacciuttiello?
PANG. ’O bbì lloco, ecco quann’uno nun ha studiato… accucciare, vo di starse fermo, cujeto, a uno pizzo. ’E capito?
PROSP. Ah neh! Vuie pò m’avita cumpatì, pecché io nun aggio fatto ’e studie.
PANG. ’E fatto ’o Corzo allora? (lazzi) Ma sotto a, me, pero, ti ’a mparà, sbucciarraie nun te no ncarricà.
